TN Govt ChatGPT Workshop for Entrepreneurs: இன்றைய போட்டி நிறைந்த வணிக உலகில், தொழில் முனைவோர்கள் தங்கள் செயல்பாடுகளை மேம்படுத்தவும், புதிய வாய்ப்புகளைக் கண்டறியவும் புதுமையான தொழில்நுட்பங்களைப் பயன்படுத்துவது அவசியம். அந்த வகையில், செயற்கை நுண்ணறிவு (AI) தொழில்நுட்பம் ஒரு சக்திவாய்ந்த கருவியாக உருவெடுத்துள்ளது. குறிப்பாக, ChatGPT போன்ற AI அடிப்படையிலான கருவிகள், வணிகத்தின் பல்வேறு அம்சங்களில் புரட்சியை ஏற்படுத்த முடியும்.
இதை உணர்ந்து, தமிழ்நாடு தொழில் முனைவோர் மேம்பாடு மற்றும் புத்தாக்க நிறுவனம் (TEDI) வரும் பிப்ரவரி 19, 2025 அன்று “தொழில் முனைவோருக்கான ChatGPT” ஒரு நாள் பயிற்சிப் வகுப்பு சென்னையில் நடத்தவுள்ளது. பயிற்சி நடைபெறும் இடம்: EDII-TN வளாகம் சென்னை – 600 032.
ChatGPT Workshop யாருக்கானது?
இந்த பயிற்சி வகுப்பில் தொழில் முனைவோர், சிறு மற்றும் நடுத்தர வணிக உரிமையாளர்கள் மற்றும் ஸ்டார்ட்அப் நிறுவனர்களுக்கு மிகவும் பயனுள்ளதாக இருக்கும். ChatGPT-ஐப் பயன்படுத்தி வணிக செயல்பாடுகளை எளிமைப்படுத்தவும், திறனை மேம்படுத்தவும், செலவுகளைக் குறைக்கவும் தேவையான தகவல்களையும், நடைமுறைப் பயிற்சிகளையும் இப்பயிற்சி வழங்கும்.
ChatGPT பயிற்சியில் என்ன கற்றுக்கொள்வீர்கள்?
- ChatGPT அறிமுகம் மற்றும் ப்ராம்ப்ட் நுணுக்கங்கள்: ChatGPT-இன் திறன்களைப் பற்றியும், வணிகத் தேவைகளுக்கு ஏற்ப பொருத்தமான ப்ராம்ப்ட்டுகளை எவ்வாறு எழுதுவது என்பது பற்றியும் கற்றுக்கொள்வீர்கள்.
- தெளிவான இலக்கு நிர்ணயம்: ChatGPT-இன் உதவியுடன் உங்கள் நோக்கங்களையும், இலக்குகளையும் சரியான வழியில் அமைத்து, அவற்றை எவ்வாறு செயல்படுத்துவது என்பதைப் பற்றித் தெரிந்து கொள்வீர்கள்.
- மார்க்கெட்டிங் மற்றும் பிராண்டிங் யுக்திகள்: ChatGPT-ஐப் பயன்படுத்தி புதிய மார்க்கெட்டிங் மற்றும் சமூக ஊடகத் திட்டமிடல் உத்திகளைக் கண்டறியலாம்.
- கான்டென்ட் உருவாக்கம் மற்றும் வாடிக்கையாளர் ஈர்ப்பு: கவர்ச்சிகரமான உள்ளடக்கத்தை உருவாக்கவும், வாடிக்கையாளர்களுடன் எவ்வாறு உரையாடலை மேம்படுத்தவும் AI கருவிகளைப் பயன்படுத்த கற்றுக்கொள்வீர்கள்.
- செயல்திறன் கண்காணிப்பு மற்றும் அளவீட்டு உத்திகள்: வணிகச் செயல்திறனைத் துல்லியமாகக் கண்காணிக்கவும், ChatGPT-ஐப் பயன்படுத்தி பகுப்பாய்வு செய்யவும் கற்றுக்கொள்வீர்கள்.
- நேரடி சிக்கல் தீர்வு: தொழில் முனைவோர் எதிர்கொள்ளும் பொதுவான சவால்களை உள்ளடக்கிய ஒரு சிறப்பு அமர்வில், ChatGPT மூலம் தீர்வுகளைக் கண்டறியலாம்.
ChatGPT Workshop சிறப்பம்சங்கள்:
- பங்கேற்பாளர்களுக்கு 100-க்கும் மேற்பட்ட செயல்திறன் கொண்ட ChatCPT ப்ராம்ப்ட்டுகளுடன் கூடிய பிரத்யேக மின்புத்தகம் வழங்கப்படும்.
- தினசரி ப்ராம்ப்ட் வழிகாட்டுதல்கள் மற்றும் புதுப்பிப்புகளுக்கான பிரத்யேக வாட்ஸ்அப் குழுவில் இணையலாம்.
- பயிற்சி முடிவில் அரசு சான்றிதழ் வழங்கப்படும்.
ChatGPT Workshop முன்பதிவு:
இந்த பயிற்சி வகுப்பில் கலந்து கொள்ள ஆர்வமுள்ளவர்கள் www.editn.in என்ற வலைத்தளத்தில் முன்பதிவு செய்து கொள்ளலாம். மேலும் விவரங்களுக்கு அலுவலக வேலை நாட்களில் (திங்கள் முதல் வெள்ளி வரை) காலை 10 மணி முதல் மாலை 5.45 மணி வரை 90806 09808 / 98416 93060 / 96771 52265 என்ற தொலைபேசி எண்களில் தொடர்பு கொள்ளலாம். முன்பதிவு செய்வது அவசியம்.
| அதிகாரப்பூர்வ அறிவிப்பு PDF | Click Here |
| முன்பதிவு செய்ய Registration Link | Click Here |
வெளியீடு:
இயக்குநர், செய்தி மக்கள் தொடர்புத்துறை, சென்னை-9.
