TN 12th Result 2025: தமிழ்நாடு மாநிலப் பாடத்திட்டத்தின் கீழ் நடைபெற்ற பிளஸ் 2 பொதுத் தேர்வு முடிவுகள் இன்று வெளியிடப்படுகிறது. இந்த ஆண்டு, 8 லட்சத்து 21 ஆயிரத்து 57 மாணவ, மாணவிகள் இந்தத் தேர்வை எழுதியுள்ளனர். அவர்களின் எதிர்காலத்தைத் தீர்மானிக்கும் இந்த முக்கியமான தேர்வு முடிவுகள் சற்றுமுன் வெளியானது.
கடந்த மார்ச் மாதம் 3-ஆம் தேதி தொடங்கி 25-ஆம் தேதி வரை பிளஸ் 2 பொதுத் தேர்வுகள் நடைபெற்றன. தமிழ்நாடு அரசின் பள்ளிக்கல்வித் துறையின் கீழ், மாநிலம் முழுவதும் உள்ள பள்ளிகளில் இந்தத் தேர்வுகள் நடத்தப்பட்டன. இந்தத் தேர்வுகளுக்கான முடிவுகளையே மாணவர்கள் ஆவலுடன் எதிர்பார்த்துக் கொண்டிருக்கின்றனர். அந்த எதிர்பார்ப்புக்கு இன்று விடை கிடைக்கும்.
பிளஸ் 2 தேர்வு முடிவுகளை பார்ப்பது எப்படி? TN 12th Result 2025
2025 ஆம் ஆண்டுக்கான தமிழ்நாடு 12 ஆம் வகுப்பு தேர்வு முடிவுகளை மாணவர்கள் பல்வேறு வழிகளில் தெரிந்துகொள்ளலாம். தங்களது மதிப்பெண் பட்டியலைப் பதிவிறக்கம் செய்ய அதிகாரப்பூர்வ வலைத்தளங்கள் மட்டுமின்றி, மாற்று வழிகளும் உள்ளன. ஆன்லைனிலும், ஆஃப்லைனிலும் தமிழ்நாடு பிளஸ் 2 தேர்வு முடிவுகளைப் பார்த்து பதிவிறக்கம் செய்யக்கூடிய அனைத்து தளங்களின் விவரங்களும் கீழே கொடுக்கப்பட்டுள்ளன:
தமிழ்நாடு 12வது பொதுத் தேர்வு முடிவுகளை 2025 சரிபார்க்க அதிகாரப்பூர்வ இணையதளங்கள்: Tamilnadu 12th Result 2025
| +2 தேர்வு முடிவுகள் Link 1 | apply1.tndge.org/dge-result-list |
| +2 தேர்வு முடிவுகள் Link 2 | dge.tn.gov.in |
| +2 தேர்வு முடிவுகள் Link 3 | tnresults.nic.in |
| +2 தேர்வு முடிவுகள் Link 4 | dge1.tn.nic.in |
| +2 தேர்வு முடிவுகள் Link 5 | dge2.tn.nic.in |
| +2 தேர்வு முடிவுகள் Link 6 | results.digilocker.gov.in |
தமிழ்நாடு 12 ஆம் வகுப்பு தேர்வு முடிவுகளை ஆன்லைனில் எப்படி சரிபார்ப்பது?
படி 1: அதிகாரப்பூர்வ இணையதளங்களில் ஏதேனும் ஒன்றை பார்வையிடவும் – tnresults.nic.in OR apply1.tndge.org/dge-result-list
படி 2: முகப்புப் பக்கத்தில் உள்ள ‘TN HSE (+2) Result 2025’ என்பதைக் கிளிக் செய்யவும்.
படி 3: திறக்கும் புதிய பக்கத்தில், கேட்கப்படும் இடங்களில் உங்கள் பதிவு எண் (Roll Number) மற்றும் பிறந்த தேதியை உள்ளிடவும்.
படி 4: உள்ளிட்டுள்ள விவரங்கள் சரியானவை என்பதை உறுதிசெய்த பின், ‘Get Marks’ என்ற பொத்தானைக் கிளிக் செய்யவும்.
படி 5: உங்கள் TN +2 Result 2025 திரையில் தோன்றும். அதை சரிபார்த்துக் கொண்டு, எதிர்கால பயன்பாட்டிற்காக பதிவிறக்கம் செய்து கொள்ளலாம்.
தமிழ்நாடு 12 ஆம் வகுப்பு பொதுத் தேர்வு முடிவுகள் 2025 ஐ SMS மூலம் சரிபார்க்கவும்
உங்கள் முடிவுகளை SMS மூலம் எவ்வாறு சரிபார்க்கலாம் என்பது இங்கே:
SMS வடிவம்: TNBOARD12<space>பதிவு எண், பிறந்த தேதி
எடுத்துக்காட்டு: TNBOARD1212345, 01/01/2004
அனுப்புக: 09282232585 அல்லது +919282232585
TN 12 ஆம் வகுப்பு தேர்வு முடிவுகள்: உள்நுழைவு விவரங்கள் TN 12th Result 2025
அதிகாரப்பூர்வ இணையதளத்தில் தமிழ்நாடு 12 ஆம் வகுப்பு தேர்வு முடிவுகளைப் பார்க்க மாணவர்கள் சில முக்கிய உள்நுழைவு விவரங்களை உள்ளிட வேண்டும். இந்தத் தகவல்கள் அவர்களின் தேர்வு நுழைவுச் சீட்டில் (Hall Ticket) குறிப்பிடப்பட்டிருக்கும்.
- தேர்வு எண் (Roll Number)
- பிறந்த தேதி (Date of Birth)
விரைவாக நிறைவடைந்த விடைத்தாள் திருத்தும் பணி: TN 12th Result 2025
இந்த ஆண்டு பிளஸ் 2 தேர்வுகள் மார்ச் 25ஆம் தேதி நிறைவடைந்த நிலையில், விடைத்தாள் திருத்தும் பணிகள் தமிழ்நாடு முழுவதும் துரிதமாக மேற்கொள்ளப்பட்டன. இதற்கென அமைக்கப்பட்டிருந்த 80க்கும் மேற்பட்ட விடைத்தாள் திருத்தும் மையங்களில் ஆசிரியர்கள் தீவிரமாக ஈடுபட்டனர். திட்டமிட்டபடி ஏப்ரல் 4ஆம் தேதி தொடங்கிய இப்பணிகள், ஏப்ரல் 15ஆம் தேதியே நிறைவடைந்தது.
முன்னதாக, இந்த ஆண்டு தேர்வு முடிவுகள் மே ஒன்பதாம் தேதி வெளியாகும் என்று அறிவிக்கப்பட்டிருந்தது. ஆனால், விடைத்தாள் திருத்தும் பணிகள் முன்கூட்டியே முடிவடைந்ததால், ஒரு நாள் முன்னதாகவே இன்று (மே 8) முடிவுகள் வெளியாகின்றன.
உயரும் தேர்ச்சி விகிதம் – எதிர்பார்ப்பு:
இந்த ஆண்டு பிளஸ் 2 பொதுத் தேர்வில் தேர்ச்சி விகிதம் கணிசமாக உயரும் என்ற எதிர்பார்ப்பு நிலவுகிறது. கடந்த ஆண்டு நடைபெற்ற பிளஸ் 2 பொதுத்தேர்வில் 94.03 சதவிகிதம் மாணவ – மாணவியர் தேர்ச்சி பெற்றிருந்தனர். இதில், மாணவிகள் 96.38 சதவிகிதமும், மாணவர்கள் 91.45 சதவிகிதமும் தேர்ச்சி பெற்றிருந்தனர். மேலும், தமிழ்நாட்டில் 326 அரசு மேல்நிலைப் பள்ளிகள் 100% தேர்ச்சி பெற்று சாதனை படைத்தன. மாவட்ட அளவில், விருதுநகர் 97.85% தேர்ச்சியுடன் முதலிடத்தையும், அரசுப் பள்ளிகள் தேர்ச்சியில் திருப்பூர் 96.45% பெற்று முதலிடத்தையும் பிடித்தது. கடந்த ஆண்டு, மாற்றுத்திறனாளி மாணவர்களில் 89.20% பேர் தேர்ச்சி பெற்றிருந்தனர். இந்த சாதகமான புள்ளிவிவரங்களின் அடிப்படையில், இந்த ஆண்டும் தேர்ச்சி விகிதம் மேலும் அதிகரிக்கும் என்று எதிர்பார்க்கப்படுகிறது.
பிளஸ் 2 தேர்வு எழுதிய அனைத்து மாணவ, மாணவிகளுக்கும் எங்களது வாழ்த்துக்கள்! உங்கள் எதிர்காலம் சிறப்பானதாக அமையட்டும்.
